坐夜机由广州新机场到三亚机场，需时1小时零10分钟。

　　到佐机场有专车接送。入住“游牧虎渡假公寓”，对面就系三亚湾。随时可以落去沙滩漫步吓～踢吓水，玩吓沙～

　　第日一早8点几9点，有专车接送到堪称中国马尔代夫既“蜈支洲岛”

　　果度D海水真系好靓！虽然我曾经去过海南岛，但果次打风。根本欣赏唔到D水有几靓！今次终于一饱眼福～确实好靓吖！同广东省内既海滩好唔同。真系清澈见底。好正！！

　　第一日傍晚，系三亚湾行佐行，等齐人一齐去吃海鲜。上面就系我系度傻等既时候影既傻相～仲买佐1蚊1碌蔗，劲甜吖！

　　第二日，系碧海蓝天坐车去佐步行街行下，吃佐个海南鸡饭……SHOW TIME……38蚊

　　饭后3点几4点，搭车去鹿岭路口，再搭摩的上山，我地无搭缆车，无坐滑道，直接步行上山。去到鹿回头……

　　闻说我9年几之前黎过……可惜我一D印象都无了！惟独天涯海角我有印象去过～但今次无去了。

　　行行坐坐，等既系系最高点睇日落……点知到佐7点个太阳仲唔舍得跳落个海度……

　　怕时间唔够，惟有行落佐少少睇……

　　今次留比我最深刻印象既就系蜈支洲好清既水，三亚好甜既芒果、西瓜，果晚一齐吃既海鲜大餐，仲有系鹿回头睇既日落～

　　嘻嘻～经过亚龙湾既时候，我仲签佐个名，支持北京奥运。呵呵！

　　今次旅游大部分单独ME既相片都系相册，至于其他……XIXI……

　　感觉海南岛水好靓。可惜成个岛都太商业化了。样样都系高消费！景点门票太贵！当地人都好似当游客水鱼一样……掠得就掠……