我發覺,高數,永遠都可以搞到我同我旁邊嘅人好低落...不過,呢個唔喺重點...

一見到天降異象,我就知,有D嘢家啦.本來,以爲今次雷公先生會再度攞松田D點生都唔大嘅小樹樹出气.點知...

雷公先生居然放弃咗一向使用嘅聲音攻勢,好直接咁飛來我哋果棟."轟窿,轟窿"咗兩三聲咁大把就走咗.我哋正係度納悶,佢冇雷公咁遠飛來難道就係為咗咁嘅時候?來嘢啦!馬上,成個松田都唔停電,就我哋女生一棟,居然話俾雷公先生劈親.停咗電~~~

拿,故事講到呢個時候,大家就應該明白,點解會話雷公先生嘅到來係熱力襲擊事件啦.之後嘅一晚,我哋大汗滴細汗,心煩气躁咁坐係度,咩都做唔到.我不斷咁用塊濕毛巾抹身,但係,身上出嘅汗仲多過我抹上身嘅水.我本來仲諗住帶埋條毛巾上床訓嘅,不過後來都係冇咗D咁嘅傻事.

哎~

冇嘢講~終于明白D古人點解會死晒,咁冇電法,人都癲啦.

爲此,班長搞咗好多嘢出來.首先,我哋班N個人都係張唔多靚嘅卡紙上寫上我哋對班長夫人嘅祝福(班長啊,如果你睇到,麻煩妳下年用張靚D嘅卡紙啦).之後,就係啱啱咋嘛,我哋又好開心咁飛短助班長夫人生日快樂...

哈哈,感覺上好似好多人同班長夫人一起過生日咁,唔知道班長夫人有冇好開心呢?定係,咁多人發短過去會吵醒班長夫人,班長夫人仲要用好多錢回我哋短訊...

不過,點都好啦,班長都係一個好人,且係一個好班長.既然佢女人生日,我哋肯定要送上最真摯嘅祝福嘅.

06金本三萬歲~

大家有无谂过一只青蛙可以有几劲呢?等我话比你听啦.一只青蛙决定要做既野,系无可能做唔到既.特别系当果只青蛙系一只好咸湿既青蛙既时候...

好了,我好混乱且条约既思维决定开始介绍我地故事既主角,一只青蛙.它,好丑,且一D都唔温柔.再者,它好咸湿.为左偷睇432既美女们冲凉.它由唔只边度,好挣扎甘跳啊跳,之后,(呢个系重点),用它带有黏液既手手脚脚爬啊爬,顺住個墻壁,一直加油,一直努力,一直不懈,所以,它居然就咁,爬咗上4樓啊.之後,佢不怕髒,不怕攰咁將自己藏身系我地把好邋遢嘅拖把度,等到襲擊我地嘅機會...

話咁快,機會就來啦...

室長去攞拖把諗住完成佢尚未完成嘅事業——拖地嘅時候.KERORO先生就忽然現身,用佢性感嘅樣子,將我地室長嚇到花容失色.仲將隔離宿舍嘅某人都嚇咗去KERORO身邊.貌似KERORO先生見到2位女子,就更加亢奮了.系兩位女子挑逗佢,希望佢翻落一樓嘅時候,佢賴死咁跳咗去沖凉房個門框度.因爲佢是在太過有活力了,兩位小姐都搞佢唔掂,仲出于對佢嘅仰慕,幫佢影咗張好英俊嘅相.

一般來講,呢D咁嘅情况.嬌俏可人嘅我就會出場啦.見到KERORO先生咁開心咁攬住個門框,我覺得,門框真系太委屈佢啦.我地應該比佢一個好DD嘅安身之地.所以,我攞咗支擺系厠所度唔知有咩用嘅棍棍,企圖用督呢個方法令KERORO君搬家.不過,佢原來系路盲,居然企圖搬去更加唔適合佢嘅厠所.見到佢行錯路,我一個焦急,馬上發起咗第二督.見效啦.KERORO先生一個魚躍.好似馬踏飛燕咁用右後脚,左脚輔助,跳起30CM咁高,哇,真系充滿咗動感同肌肉嘅力量.且佢仲好自豪咁show埋佢果個好白嘅,好性感嘅肚腩.我見佢好似就快跌落地,十分之擔心佢.我就伸咗支厠所棍出去,放系它飛起咗嘅身下.佢就掂啦,馬上比我接住,攬到支厠所棍實一實.見佢終于咁順攤,受我控制,我拿拿聲幫佢搬家啦.放咗佢出門口.諗唔到佢已經愛上咗支厠所棍.我死用力咁摔支棍,佢先肯落翻地.就系佢落地嘅一刹那.前文出現過嘅兩位靚女一起發出一聲好傷心嘅尖叫,跑咗去隔離宿舍,關埋棟門.唔使咁啊嘛,我只不過送走咗可愛嘅KERORO先生姐...

好了,件事情就咁就告一段落.

不過,大學嘅生活又點會咁簡單.其實,大學嘅生活充滿咗危險嘅氣息.

請等下一期連載《雷公先生,熱力襲擊事件》

第二日起牀發現我成身都濕晒,之後唔知道係咪因爲濕身,搞到我加下感冒埋.

本來諗住講嘅嘢,覺得唔敢講了.

有咩都係以後先算啦.

TO 欣:好慶幸,經過咗咁多嘅嘢,我哋依然係一起,仲係好好嘅朋友.講真,一直以來妳對我都好重要.係妳身邊,我可以好容易咁安靜落來,我可以靜靜咁同妳講我從來冇諗過同其他人講嘅感受.妳嘅事,妳嘅態度都可以好容易咁刺激到我.希望可以一直係咁落去啦.呢個,好似都係我嘅生日願望.

TO KK:喂喂,衰仔,妳係咪媾到女先?做咩唔話俾我呢個軍師聽先.有异性,冇人性波.我都好多謝妳.雖然我好多嘢都冇同妳講過,不過,妳一直都對我好好,係我想揾人出來果時妳都冇問理由咁陪住我.陪我飲酒.好耐都冇一齊打麻將啦.希望好快可以有機會啦.

TO 師兄:都繼續係要多謝人家啦.好多謝師兄妳.首先要多謝妳咁負責,真係陪翻部MP3俾我啦.其次,我都唔記得我哋係幾時開始熟,但多謝妳係呢排,係某D時候都陪過我.令我覺得我自己唔係一個人.其實雖然我冇講,但我真係覺得好感動家.THX

TO 嵐姐:嵐姐,一開始知道妳屋企嘅事我都幾佩服妳.妳居然仲可以咁樂觀,咁堅强.而且,我諗妳係我見過最好人嘅一個.雖然,好多嘢我因爲怕妳擔心都唔敢講俾妳聽啊,不過,我知道咩人真係關心我噶.妳就係啦.多謝妳.如果有機會,我真係好想可以報答妳.

TO 葉欣大人:我知道妳一定唔會睇到我個BLOG家啦.因爲妳都唔上QQ嘅.雖然我哋好少見,且見到我哋都唔會傾起D敏感話題.但,一直以來同妳寫信,一直以來同妳傾計.我都可以學到好多嘢.我係妳身上睇到咩叫做認真,咩叫做做事小心.雖然我做唔到,但妳都教咗我好多.多謝妳.

TO 林生:我諗有D人性格就係咁唔夾家.我同妳可能都係.所以,我哋之間真係有好多毫無理由,絕對可以避免嘅衝突.另外,我諗有D嘢就算唔係妳錯,我都唔可以扮冇發生,先會搞成咁.不過,點都好.妳都代表住一種好特別嘅情感.係咪應該多謝妳俾我一種咁嘅體驗呢?依然可以毫無理由咁信任妳.或者妳覺得我對妳唔好,又或者唔周到,好少顧及妳感受啦.甚至有時會有D輕視妳嘅感覺.不過既然已經係咁就由佢咁啦.多謝妳啦.希望有日可以同好耐以前一樣.

TO 生活部嘅各位:妳哋厲害啦,果晚真係瞞住我瞞得咁好.直到萬里死拉我去果條路仔我先估到發生咩事.呵呵,多謝妳哋啊.果晚真係覺得好開心同感動.真係諗唔到大家都咁有心.雖然生活部嘅工作慢慢會走向結束,不過我一定唔會忘記果晚,唔會忘記生活部嘅各位,同發生係生活部嘅事情.

TO 花:死.唔知有咩要同妳講添...難道係妳個BLOG吹晒?得.禮物,快D送俾我啦.哈哈

TO DOG:呵呵,又係一個重色輕友嘅例子.點講我哋都識咗13年,俾D面好波.自從小黑豬先生出現之後,某DOG就跟住消失咗了.冇嘢講,出現啦妳~

TO 粟:出現,出現,出現.除咗話妳不負飛機王呢個美名之外,我冇嘢講了.

總結: TO 青財全體人員:大家出現啦~完

TO wens:我哋只不過隔住一幅墻姐.點解都咁難見到家.都唔知從幾時開始,我哋就各有各忙了.不過,套用翻妳句說話啊,識咗19年,我覺得妳一直係我身邊,係我嘅Fr,陌生嘅感覺從來沒有.

TO 兔仔哥哥:一個我已經好耐冇聯絡過嘅網友.肯定唔會上到呢個BLOG.唔知妳點解仲會記得我生日,真係好感動啊我.本來以爲收到妳嘅短訊已經好開心.點知妳又咁啱翻咗廣州,仲請我宵夜.哈哈.不過,sorry,果晚我挂住自己飲酒,搞到好快就開始嘔.妳一定覺得好鬱悶啦.唔打緊,等妳搞掂長江邊果不知名嘅大壩翻來,我請翻妳宵夜啊~

TO 中意我,唔中意我,我中意同我唔中意嘅各位:無論點都好,20年來,同妳哋嘅故事,一切嘅點點滴滴造成咗今日嘅我.或者我好唔掂,不過我對自己其實都幾滿意.maybe有DD冇理由嘅自負.總之,既然有今日,就有妳哋,就點都要多謝妳哋啦~

(有D人可能因爲一時諗唔起冇提及,大家咪嬲啊)

不過，某人妳都唔好忽然好衝動咁話要紋身啦。

呢家嘢，講真，一次紋咗落去就永遠都消唔到。唔好信果D路邊話可以消紋身嘅小廣告。所以，真係要三思啊。

加上保守講句，身體髮膚，受諸父母，好好愛惜，唔好亂搞佢啦。

再加埋呢個社會輿論畢竟對紋身都係有DD歧視同壓力。就算妳紋係D一般人見唔到嘅地方，妳另一半maybe都會有DD諗法。

總之，就咪嚇我，忽然走咗去紋，就算去紋都話聲俾我聽先啦，咪衝動啊～～～

一個傻佬嘅blog，有D嘢真係寫得幾可愛，哈哈～

如果有人俾面上去，就幫下佢手種花啦。