噚晚又去松喬唱K了。由 Supplier Mr.Chan 盛情邀请 BOSS 同埋一班同事去 Happy ！

我加班至八点九，Tony 就俾電話我，嗌我攞单俾佢就可以落班。我覺得好奇怪，不过都照佢講嘅辦事。將單、印攞俾佢之後，佢行埋 BOSS 個車度，又嗌我將手提俾佢。咁樣真系莫名其妙了。好，俾就俾！但系佢又將手提俾咗車上嘅人。而家我先發現，車上仲有四五個同事，系出邊食完飯咹返到。因為手提系人地個度，我甘系要攞返啦，揾穎想攞，Tony 個古惑大佬就徑直推我上車了。關門，BOSS 系車上哈哈笑，話“綁架”我。玲又話要“撕票”，呵呵一路笑一路向松喬而行。

泊車嘅位都冇，松喬生意好到爆棚。去到包廂，“麥王”婷就抓住麥，一副不會善罷甘休嘅樣，真系好得意。幾個靚女一口氣揀咗好多首 Twins 嘅歌，我睇到個只嘢（鍾欣桐），覺得幾滑稽喔，其實因為心裏邊都唔接受佢，所以連埋佢嘅歌都唔鍾意。

靚女玲、穎、婷，加埋真正女人梅，四個女人一台戲，冇錯，系包廂度熱鬧非凡，溫度急促上升。我唔想唱，——好多歌都系唔識唱！真系好慘。不過聽人地唱都系一種享受啫。我就系鍾意做聽眾，幾時都系甘。

後來 Chan 姍姍來遲，聽佢同 BOSS 講話返咗屋企。呵呵，顧家男人？佢個把聲都唔錯，唱民歌系幾咹咯。BOSS 呢鍾意個幾首我都知，陳奕迅嘅《富士山下》、光良嘅《童話》，張學友嘅歌都鍾意。佢唱起身非常投入，感情充沛，聽嘅人都受感染呢。

BOSS 同松喬個D客戶經理玩色鍾，驚輸得多，就嗌我幫佢飲。哈哈，系度飲D啤酒都好淡嘅味，飲多D都唔怕啦。我唔識玩D色鍾，淨系識飲，叫我飲就飲，唔使多講。

九點至零點，整整唱咗三粒鍾。開始情緒仲有D低落，但玩到後邊就放開了，So Fun！氣氛好重要，不過 BOSS 都好識得調動大家嘅積極性，佢系好細心嘅人。

系佢手下做嘢，點樣都值啦！

朝早起身刷牙个陣，有D流鼻血，真系暈砣砣，系邊度見到D唔應該见嘅嘢啊？？

可能系鬱佢鼻弓吧，唔理佢。