一年过去了，365 X 24个小时又冇咗了，回顾自己係上年演过嘅舞台剧，发觉有一点真係好难做得好－－感情表达。感情唔够丰富会令人觉得刻板，感情泛滥又觉得假过八两金，而且由于惯性作用，舞台剧畀人一种好闷，充满文学、哲学嘅气息，令人昏昏欲睡，要搞气氛就更加难。不过我寻晚好庆幸咁去睇咗由一班广州明星主演嘅舞台剧《假如生命剩下N小时》，衣场舞台剧绝对可以改变你嘅观点，佢唔单止劲搞笑，而且包含了少少人生意义係入面。

　　整体嚟讲，《假如生命剩下N小时》嘅演员每个位都做得好好，每个搞笑位都令人拍晒手掌，节奏控制得好好，两个半钟转眼间就过了。一开波果part“精子的意愿”就认真搞笑，少许恶搞色戒。如果要问我果场舞台剧边个演员我最中意，我会毫不犹豫咁讲吴嘉亮，男版王菲果个呢，我未见过一个男嘅可以咁似女人，如果之前唔知佢係男，佢係台上嘅表演绝对呃咗你－－“哇，个女嘅唔错啵！”係“先生贵性”果Part，佢虽然係做男人，但係动作神态都係女性feel；係“老师也疯狂”果part，佢扮人哋嘅老婆，着套空姐制服认真杀死人；係“胸兆”果part，佢扮一个隆胸女人认真一流。总之我觉得衣场舞台剧，吴嘉亮绝对係主角中嘅主角。

　　印象最深刻嘅就係，吴嘉亮剖析男人同女人嘅一段独白，一个人不断从男人角度同女人角度讨论日常生活细节之间嘅矛盾，独白刁钻，神情好位，在场观众拍烂手掌，忍唔住心中赞叹一句：“吴嘉亮好！”

　　讲咗咁耐，想问点解舞台剧要叫做《假如生命剩下N小时》？其实每一part都包含一些思考，就好似“精子的意愿”，讲嘅就係精子係到达卵子之前嘅生命状态，思考；“十六岁的诱惑”讨论嘅係现代学生哥嘅感情生活同埋同父母之间嘅感情矛盾；“老师也疯狂”讲嘅係老师嘅生存状态，压力与社会关注程度。咁多嘅日常烦恼，究竟係米真係烦恼呢？係米真係冇得解决呢？如果你生命净番N小时，你会做D乜？现场就播放咗舞台指导雷宇扬嘅观点。

　　整个舞台剧，除咗思考，就係搞笑；除咗搞笑，留係畀我哋嘅係深刻嘅回忆思考。唔係夸张，舞台剧结束后，舞台策划思诺同我哋宣布，係1小时之内到卖票处买《亲爱的》舞台剧（《假如生命剩下N小时》原班人马演出），半价，即时所有人都冲向排队，其实我都想买，只可惜冇钱……

　　未睇过佢哋演出嘅朋友，好快D啦！