以前，我觉得，中意一个细过自己嘅人，即系姐弟恋，系冇可能发生系我身上嘎！感觉上似乱伦，可能自己嘅爱情观太保守啦，非常抗拒同细过自己嘅人谈情说爱。

呢排，我有D惊，所以扮成咩都唔知咁，好似咩都冇发生咁，好似平时咁生活。

希望时间可以冲淡一切吖！！我唔想踩入自己嘅禁忌吖！

唉

when walking on the dark street i always look up at the lamps that shining on me

at that time i hope someone who is as warm and bright as the lamp-light would always stand by me,

disappointedly, tonight, a rainy night, i walked on the dark street by myself again

don't complain...i should be thankful...i am living better than many many people , who have no jobs,no money, no home,.....

that's the way how i comfort myself

but later i realize the best way is to change sth to make myself stronger so that i won't suffer in emptiness from now on

好耐都无试过一个人喊咁耐了..

今晚系公司拿到ISO认证嘅庆功宴..我知道呢个只系开始..

近段时间，面度压力力不从心，就快唔识用脑

太多明显的问题和潜在嘅问题摆在眼前，我感觉好痛苦

好努力咁做，仍然达唔到要求

我想有人可以帮我，教我

。。。。。。。。。。。。。。。。。

喊吓喊吓，望吓阿妈买俾我嘅玉手镯

距买几百蚊嘅靓手镯俾我，自己就戴几十蚊嘅

当距将玉手镯戴在我手上嘅时候，我真系好感动

仲有，距年年帮我求护身符，年年帮我问平安

每个礼拜煲定汤等我翻去饮

但系我已经唔知道可以为距做D咩了

屋企最近好多事，我完全都帮唔上

记得以前屋企好穷，成日被人虾，爸爸妈妈几乎没朋友；

依家生活好左，D人就玩针对，好似我地同距地有深仇大恨咁

我成日问个天，点解呢个世界系咁噶

永远唔会有雪中送炭，永远只有落井下石

细个果阵，距地管得我好严，放工翻来见到我未做好家务就会打我

开始果几次，被打完之后我会哩埋喊，后来，无论我被打得几痛，我都唔再喊了

等我大个左，依家出来做嘢，距地就成日同我讲：对唔住啊，以前唔应该打你嘎。。

其实我知嘎，距地最锡嘅系我，以前生活压力大，所以才会打我

依家，我霖翻起以前细个嘅日子，同埋距地依家好锡我嘅日子

好感动，

好内疚

我真系唔知道可以为距地做D咩了

我真系好想保护距地，等距地安享晚年

但依家嘅我，又无钱，又无脑，乜都冇

我唔知我地一家人嘅未来系点

我更加怕旁边嘅人冷笑

好得人惊，好心寒

唔讲，边个帮到你呢？

唔将问题讲出来，净系识得埋怨，只会俾人一个坏印象

好喇，当系感多人面前陈述嘅时候，唔好低声下气，也唔好咁浮夸，

实事求是，系点做就点讲

刚出来做嘢，唔好学什么工于心计

表现真诚，才会有人肯教你嘎

一直以来未见过风浪，毛毛雨就觉得系五雷轰顶，

细路女，更恶劣嘅事你都未见过啊

冷静D，清醒D，理智D啦

虽然前方充满问号，我觉得我还是会逐个解决的，会继续走下去的

我真系好想靠自己嘅努力解决晒所有问题，我真系好想见到自己成功

到果时，我才会觉得好开心，好幸福

吖cherry成日用呢个词。

我今日，托托眼镜，摇摇头，缩缩膊，摊开双手，嘴渺渺咁讲：cherry，sullenness。距。。距居然唔理我，挂住复mail喔~~

问左好多人市桥边度糖水好食。。居然大部份人叫我去何贤对面间芝麻糊。。

去过一次啦，太甜太糊，没芝麻味，但唔明点解感多人去食。。仲有炸牛奶。。真系有少少难食呃。。

好穷...净翻不到4K身家...原本有5位数...我人生嘅第一个5位数啊...霖起都好兴奋~~但系为朋友，而且系好朋友，帮得就帮啦。好多去玩嘅计划搁置左，都好，收心养性。

前一排疯狂刷卡真系好爽，虽然依家都系好中意刷卡买嘢，但系收敛左喇，唔想挨穷吖，唔想穷到要问屋企要钱。每个月俾丁咁多钱屋企，都好内疚了，唉，真系唔想睇到距地挨得咁苦。。呢拍又有衰人搞搞震，睇来呢件事之后，屋企又损失一笔，又要继续辛苦挨了。。

好似今年到依家都好多嘢唔顺利，唔知点解救。好无奈。