哩2日 情绪唔系咁稳定
虽然只系2日 但就好似发生好多也咁
连原本应承佐周末陪昌去买也 都可以完全唔记得佐

我仲以为我坦然了 以为我冇事了 原来 并唔系
我系你面前 诠释了最糟糕的自己 放肆 任性 控制欲
原来之间没佐爱 真系会赤裸裸的 只剩低恨
定系 从来都冇爱? ...

我忽然觉得
系世界上 除佐屋企人 真系冇人会无条件咁对你好
就算系男女朋友 都有着"维系感情"既原因
所以
都真系除左屋企人 冇人可以俾我得寸进尺 肆无忌惮
但都永远唔会离开 从来都系..

点解我仲要为佐唔值得既过去而揪心
真系好冇鬼用

...
近排系公司都唔系咁开心
我觉得 每日穿插我生活既也 都系打杂
公司租员工宿舍关我事 添置电器关我事
当我见到比我迟黎既人学紧代理记账
个个moment我系度念"我系度做紧咩吖"
我觉得自己系度退步紧
再睇周围既人系度准备会计证 初级etc..
心里面有D急 但唔知可以点
而CPA 虽然都一直keep住睇 但心里既自信 却一天比一天少
upset..
still have a long long way to go...

屋企近排买楼 亦都意味住 我地要开始做房奴了
虽然屋企人冇俾压力我 但系睇住屋企人要辛苦供楼
而我 虽然出左黎做也 都唔知何年何月 我份粮先可以afford到去供楼
今日念念下 竟然系公司喊左 躲在会议室里..

今日下昼公司开会 应该系今年既第一个会吧 关于职位定岗
随住我地公司既发展 公司既架构亦都开始规范化
冇啦啦走出个<人事部>
仲冇啦啦叫我去兼顾
哩个安排 其实中午就已经有人同我讲左 话等我有个心理准备喔 我称之为<噩耗> 中午都训唔安
感觉上 我离审计又远佐
前排 跟住D老师做审计 虽然攰但都几开心
但依家 系一种我唔知应该点样形容既状态
有D sad..
念住可以全心全意做财务相关既也 点知依家就变左 只系忙季既backup

老细叫我去刨<劳动法> 自学又好报班又好
仲私人醒zo我本距以前用来考MBA既人力资源书俾我睇
我系个完美主义者 总系希望尽快尽善咁做好人地交俾我既也
正因为咁既心理 亦都意味住 既然我要兼顾就要兼顾得好
就都意味住 我要学好埋hr
只不过 冇人教 只有自己由头学起
我觉得好混乱吖
哩头学紧CPA 个头又黎多个我"零基础"既人力资源
一心向住会计去 但总系有也要我分心

我系觉得 如果冇用个心去做也 好冇意思
但一心要二用 就唔知会系咩状况了
..惊自己做唔黎 ..
如果做得好 咁我既路就更宽(maybe) 哩个系"边个唔知阿妈系女人"既道理
但如果做得唔好 就可能两头唔到岸

趁后生 学多D也系好事黎既 系唔耽误正事既情况底下 i hope i can..

好耐好耐冇写过日记。。

哩排做也比较忙 本应系事务所既淡季

上上个礼拜仲OT 连翻佐12日工 开头念住反正系屋企都冇咩做 仲主动话要加班。。。原来都几攰

上个礼拜 就陪家姐买结婚既也 腾佐2日 仲辛苦过OT。。>_<

哩排开始跟住D前辈出去做审计 都几开心 感觉上我既工作开始上“轨道”了

不过每晚返到屋企都好攰 学习既进度又缓慢佐

而同时 总系有D也会令我纠结 尽量唔去念 但系唔work 或者真系要全力寄情于工作

我系应该要令自己开心D个

唔想写流水账 可惜我唔想用脑 懒得组织语言了

哩排比较忙..好耐都冇更新过...

话说礼拜一系我牛一..不过基于要返工 所以就提前佐一日庆祝..

今年既生日比较特别..一大班F去钱柜唱K + 妇联聚会 + 顺便庆祝生日..

好耐都冇试过一大班F过生日..对上一次 应该都系细细个 一班细路围住开大食会..

多谢姚姚送既蛋糕...

Thx to u guys...可惜Amy仔走左先..冇影到相..(等我下次叫JIM哥仔将你P翻上去 哈哈)

钱柜留影..继续下半场..打鼓..

多谢玉蝉,yellow,昌送既 亲笔祝福纪念shirt..
其实曾几何时 见D F出国 大家就会准备咁既礼物..个阵我都好恨有件咁既衫..
哈哈 终于俾我恨到..叮桥叮桥...
原来唔洗出国都可以收到咁有意义既礼物噶...
仲要多谢你地送既哈根达斯..第一次食哈根达斯
thx..你地一次满足佐我几个愿望..哈哈

仲要多谢AMY仔同胡生送既礼物..多谢大家既祝福..
其实今次既生日真系好难忘 只系最近太忙都未黎得切回味..
叮桥..to u all..

黎佐哩个事务所都差唔多2个月了 时间过得都几快
比较庆幸既系 周围既同事都几nice
尤其我地年龄比较接近既几个女仔 仲有我个吖head
所以其实返工都几开心

依家系事务所既淡季 所以最近公司都plan佐一次旅行
再过多2个钟 我地公司就要齐齐出发去机场
桂林阳朔四日三夜游..
Wow..My first trip呀..好兴奋..
估唔到我既第一次旅行竟然系公司旅游..哈哈
哇哇哇..YY终于可以出省啦啦..哈哈

p.s. 寻晚训得好好..
不过半夜伸佐个懒腰..伸得"狠"得制 搞到左小腿抽筋..55

24th
哩排 因为要毕业了 搞到有D伤感
见到D F陆续拍毕业照 开心之余 唔知点解 我有D压抑
记得大一岩岩搬入黎深大 懵下懵下既感觉都仲好近
点知 毕业 只不过系个零礼拜之后既事..

依家周末就中意返学校玩
有一种感觉
翻深大 翻一日就少一日
越系临近毕业 忽然变到咁珍惜系校园既日子

或者大家会觉得 就算毕佐业 都可以返学校
之但系 个一份归属感 已经搵唔到了

上个周末 系宿舍睇住舍友执也 有D唔敢正视
我惊自己会忍唔住喊
我讲唔出自己对深大既感情
讲唔出对身边朋友仔既感情
"天下无不散之筵席"
以前睇电视都会嫌哩句老套
但系发觉
真正到佐个个moment 原来都只系得翻哩句..
或者 我并唔应该太感性咁去睇毕业
Nothing bad,anyway..

29th
哩排俾毕业离校既也搞到我有D烦 理应还佐既书 唔知点解又会话我冇还
仲要临毕业先知 真系运吉
不过都令我知道佐样也
系你忙到分唔到身个阵 有人对你伸出援手 真系会lots of thx..

最近小事比较多 多到..我都有D唔得闲伤感
到我依家反应过黎 毕业典礼都不过系几日之后既事

我要毕业啦...

原来唔经唔觉我已经系事务所度返左半个月工了..
唔知应该点样黎形容我份新工..
或者只可以讲..系一份我中意`兼值得我去努力既工..

我病佐..好耐冇病过..好似..
唔知系咪因为近排太频扑..
希望我吃得消..
YY加油!!

最近做佐个好大既决定..我辞职了..

其实咁大既决定..基于好多原因...
对<新>既唔满意..工作环境 目前既工作内容 周围对少儿部既睇法..
或者对于一个新人黎讲 我冇咩资格去挑剔咁多 不过有时我D"完美主义"发作起身 真系会令我自己周身唔舒服
同时 都令我更加清楚自己究竟想要既系咩..

E+越黎越觉得 稳工 就好似拍拖咁
离开 唔一定代表系距唔好 或者更准确地 从来都只系有"适合"同"唔适合"

试讲佐6轮 到最后入左新东方 对我黎讲都算系段唔简单既经历
我仲经常生活系"哇..你入佐新东方吖 好犀利吖"既光环里面
虽然有时虚荣心作祟个阵 我都会唔舍得离开
但系 我并唔想生活系人地既睇法里面 亦都唔会为左满足我既虚荣心而留低
或者 仅仅因为自己既兴趣而辞职 而转工 会有D任性
不过我唔系..
系哩个moment 我真系好清楚自己想做咩
Sincere thx for all your support..physically & mentally..

下个礼拜 我就要去会计师事务所迎接新既工作了
Wish everythin' goes smoothly..
哩一份工 对我既挑战更加更加大
亦都意味住 未来既日子我就要更加努力 全力以赴
大家监督我啦..
And..support me..

又好耐冇更新啦。。

先讲下我份工啦..
总既黎讲 暂时都系比较无聊
做前台 但系平时都唔系甘多人黎咨询 电话都唔点洗接..
培训 进度N咁缓慢..
所以大部分时间都系自己睇书..
依家都开始自己睇教材 个日Lulu好热心 话我地可以备好一次课试讲俾距地听
所以我又要开始prepare个试讲啦..

但同时 好矛盾既系..
最近我又系度不断思考一个问题 我系咪应该安于哩份工?
虽然我冇超级明确既职业规划 但系我念我既大方向都系有既
可惜..系哩个moment 我好似偏离佐..

哩排既情绪唔系好稳定 好易就浮躁
一月一度既更年期
最近发觉自己既"完美主义"又开始发作
唔单指对自己既要求 对身边既人都系
系自己要求高定系人地真系冇做好
唔知。。

E+ 系咪已经到佐尴尬期
每晚既good night代表D咩？唔再讲good night又代表D咩？
唔知。。。

寻晚一班F去唱K
R最近失恋 寻晚见到距系K房度喊到撕心裂肺
个个moment 我个心都好唔舒服 唔知点解 我都好想喊
我系唔可以好坚强咁去安慰一个喊紧既人..
个一刻 我系度念 点解要拍拖吖 搞到自己咁唔开心 而且又唔值得
不过女仔都系咁 无论值唔值得 都系喊餐饱先
我就系咁 眼泪已经唔值钱了

上一次自己喊成咁 都只不过系几个礼拜前既事
仲要系哩系宿舍度 都唔敢喊出声
唔想人问我点解 因为我都唔知

今日系个好日..
经过佐好多轮既试讲..我终于收到我人生第一个offer..新东方..
回顾下我前排既面试历程..

Mar. 26th 校园招聘 投简历..面佐10几分钟..(如果算系一面既话)
        30th 系科技园新东方 第一轮试讲
       31st 系福华新东方 第二轮试讲
Apr. 3rd 第三轮试讲
        7th 第四轮试讲..
         8th 第五轮试讲..
         9th 第六轮试讲..剩低2个.. 见校长..
       10th 今日..面试..收到offer..

N 轮既试讲 都几艰辛 我都唔知自己系点样挨过黎个了
因为我唔系教育类既专业 所以有时备课 都将我逼得挺"囧"
就好似第三轮 距要我地准备50min既内容 因为前2次都系10到15min就ok
个一刻知道要准备成50min既内容 真系好想放弃
but thanks to my friends,

多谢姚姚
多谢你同我讲你以前既experience 等我有个好既开始

多谢caddie
多谢做我第一次试讲practice既听众..又认真俾意见我..

多谢C
"冇意思啦 坚持到依家你先话要放弃"..
虽然当时你甘讲我并唔开心 但如果唔系咁 我可能真系俾佐个借口自己去放弃..
仲系我困扰教材个阵不断俾idea我..

多谢yc
多谢你既鼓励..
.......

寻日见校长同今日面试
同我一起入既另外一个女仔系英文专业既 但我就系金融既
所以距地都问到我 "你金融既 但走黎教英文 点睇?.."
虽然我都知有D唐突
睇住自己简历上面3个银行既实习经验 我都以为自己以后会系银行
but..whatever..
我都只可以不断表达 做miss系我细细个既志愿(以前的确系) 不断表达我对英文既热爱..

由系校园招聘漫无目的咁投简历 到 今日真系收到新东方offer
好似发梦咁
开头只系念住锻炼下自己 咩都试下 冇抱好大希望
其实每一次试讲 身边既面试者都不断变 不断少
冇念到自己可以留到最后
冇念到自己都可以系笑到最后既人..

虽然哩份并唔系我最心仪既工
但系好多时候就系咁个 唔系下下都可以做自己最想做既也
其实一开头我去试讲仲得唔到屋企人既support 搞到我都down佐一排
不过今日同细佬倾完 距都support我去做 所以都几开心..
至于以后会点 who knows?..

不过以后我净系可以休Monday同Thurday
虽然都系双休 但系念到礼拜六日都要返工 同D F时间都唔夹..都几upset..
而且E+我都尚未有心理准备返工 仲念住好好享受埋剩低既大学生活..

My First Offer..
..My Last Weekend..

寻日一早 屋企人就翻左家乡..
距地早到 我完全察觉唔到距地系几时出门..

训到9点几起身..其实唔中意赖床 不过就成日都赖床..
见天气唔错 同家姐先系洗佐下D衫 跟住扫地拖地 淋花
其实屋企人少个阵打扫比较好 冇人系度搞搞阵..
简单执佐下屋 之后就搭车去帮ricky喂猫仔..
见到妹妹都还好 但系毛仔 我依然都系惊距 唔知系咪因为距系鼠毛色 见到我就念到D米奇..

喂完猫仔 家姐book佐今日做facial 见时间尚早 又冇咩细艺 就返左屋企睇左集gossip girl 之后就准备出门去做facial..
第一次做facial呀..大兴奋小紧张 哈哈
都几舒服..唔错唔错..
做完facial 我地就去佐寿师傅食dinner
一日落黎 其实都几写意..

晚上返到屋企 老豆竟然返左黎 得距一个返左..
而妈咪就应该会系家乡住翻排先翻..
甘即系意味住哩排我地都会冇啖好食..OMG

记得前晚同妈咪既对话:
我-   "你听晚系咪都唔翻住啦?"
妈咪- "应该会住翻几日吧.."
我-   "住几多日吖?"
妈咪- "十零日咁咯.."
我愕然..跟住系度笑 "哈?十零日?差唔多半个月个喔 住甘耐?...哈哈 咁我都返学校住翻十零日了.."

忽然间觉得妈咪系几咁地重要..
就好似寻晚老豆10点半系度话肚饿 以前妈咪系屋企可能就系咁咦落句order 阵间就有得食
但系without mum 距就净可以自己煮即时面 哈哈

哩个故事话俾我地知
好多也 系你身边个阵你唔觉得点 但系冇佐个阵就会知其实距好重要..
讲到哩度 真系要大赞下我妈咪既贤良淑德
平时就算距唔洗返工 距都会好早起身 煮定早餐冲好茶 嗌我地起床
平时都执到屋企好"企理" 煮饭扫地拖地洗衫
晚上定时定侯又会切生果俾我地食..
我就好似得个洗碗方面会帮轻下距
要做个持家有道的女人真系唔容易 而且都要牺牲几多..日日咁早起身 对我已经系致命既一点

哩D也 睇起身都好似好琐碎 但系从今朝9点零起身 我就好似未停过手..
除左冇煮饭(因为唔识>_<) 今日都做左半日既"持家女"
之后就无所事事..

宿舍个女仔折黎送俾人既..我净系帮距影低..

影个阵冇咩感觉 但系影完之后睇翻 自己竟然系度感动...

都唔知感动D咩 又唔系送俾我既 我成日都做埋D筛表情既也..>_<

甘大个女好似都未收过花 真既冇 假既都冇..

唔通真系要等到我嫁个日先可以收到人生既第一束花?..真系悲哀..

哩排真系有D神经质了 影副相之后都可以念咁多..颠佐..

最近有D想去旅游

以前见人去泰国就想去泰国 见人去西安就想去西安 见人去海南想去海南

但系自己..好似都系得个念字

so far..我依然都系个连广东省都未出过既小女孩...真系悲哀..

有时人太多愁善感真系唔好

念到冇雷公咁远 搞到自己懒系历经沧桑咁

其实我又唔系..

醒翻..life goes on..

其实我并唔悲哀吖 比起好多人

我很好..

最近天气唔好 心情唔好 咩都唔系咁好
校園招聘好运吉 虽然都投佐4,5份简历
好似保險證券個D 投完之後叫去面試都唔會去既 都唔知投黎把鬼
就好似純粹唔想"执书" 投佐先算

稍微有兴趣D既一间公司 第二日听完个宣讲会 就又冇兴趣了 都唔知想稳咩工
仲投佐新东方-少儿英语教师 对我黎讲 好新鲜
话说做miss 真系我细细个既志愿 不过唔知点解随住我越黎越大 哩个志愿就越黎越模糊
面完之后收到试讲通知书 唔知哩个算唔算系校园招聘唯一既战利品

寻日去佐新东方做第一次既试讲 不过因为时间仓促 原本话系准备10到15分钟既内容 前面几个都有时间 不过后面讲既就讲唔够5分钟就局住要俾老师叫落黎..我系倒数第二个..
虽然仓促 但系讲完自我感觉几好
第二朝 收到第二轮试讲既通知 好开心好开心
今日下昼2nd试讲..
今次试讲系系我屋企哩边既新东方 所以中午又从学校返屋
基本上从早上收到电话就已经系度兴奋
可惜吖..下昼讲完感觉麻麻哋
觉得自己未够尽力 搞到有D bad mood

最近
发觉由熟悉到陌生 原来可以好快
感觉系对应噶 曾经你有几开心 之后你就会有几唔开心..

最近
我以为 只要有机会我都去试 屋企人就会fully support我
但原来唔系..

最近
因为天气 因为攰 因为懒 冇做到坚持一个月学网球
不过庆幸既系 我发现除左喊我多佐个发泄既方式

最近
遇到一D虚伪既人 可惜我又唔识同你虚伪 或者系时候要学下寒暄

最近
好想大喊一场
不过搵唔到理由..

成日都俾人話我笑點低 其實系噶 有時一D小小既爛gag就可以氹到我笑..

唔知系咪因為太鍾意笑..對應翻..其實我都好鍾意喊..

或者我既發泄方式除左喊都系喊 ..

但系有時喊到傻左 到頭來都唔知自己點解會咁..

今晚好唔開心..

人地總話獅子座唔會系其他人面前喊 因為要面 但系點解我總系毫無顧忌 想喊就喊

但系哩一刻 我先開始覺得自己似獅子座 唔再想喊就喊

但..并唔系因為面子...

或者有D也未習慣..亦都習慣唔到 短短既幾日 變化原來可以咁大

曾經好熟悉既 點知哩一刻可以變到咁陌生 原來系好可怕個

好耐冇喊過 喊到頭昏腦脹既感覺 既熟悉又難受

希望唔會再有

我都系中意笑..

寻日..jim哥仔距地公司帮腾讯搞活动 就嗌佐几个F过去帮手做免费劳动力...

不过话虽如此 我地班友都几积极参与噶..个活动系莲花山度搞 可能耐佐冇亲近大自然 所以间唔中黎"踏青"都几写意..哈哈哈

因为每个点得两个人 而且中间等既时间都颇长..咁就唯有用影响黎打发下..